7 красавiка, Капыль /Уласн. iнф./. Чарговы выезд інфармацыйна-прапагандысцкай групы, якую ўзначальвае старшыня райвыканкама Міхаіл Бода, адбыўся ў МАУП “Доктаравічы”Трэба адзначыць, што за час дзеяння такой формы работы з насельніцтвам склаўся ўжо пэўны парадак: члены ІПГ – кіраўнікі раённых службаў і арганізацый, што забяспечваюць жыццядзейнасць насельніцтва, – расказалі вяскоўцам, як наладжана работа ўстаноў адукацыі, аховы здароўя, культуры, гандлёвае і бытавое абслугоўванне, сацыяльная абарона людзей у раёне, засяродзілі ўвагу ўдзельнікаў сустрэчы на неабходнасці выканання дзеючага заканадаўства па навядзенні парадку і пры будаўніцтве на прысядзібным участку.
У сваю чаргу вяскоўцы задалі пытанні, якія іх хвалююць, і атрымалі адказы, як кажуць, з першых вуснаў. У прыватнасці, яны цікавіліся, ці нельга арганізаваць правядзенне фізіяпрацэдуры інгаляцыі на ФАПе, паколькі тут ёсць інгалятар; ці прыедуць да іх на ФАП весці прыём урачы з цэнтральнай раённай бальніцы, як гэта практыкавалася раней; чаму ў мясцовым клубе не праводзяцца дыскатэкі; чаму завозіцца не заўсёды якасны хлеб. Атрымаўся адкрыты дыялог, які дазволіў вырашыць узнятыя пытанні на месцы.
Падводзячы вынікі сустрэчы, старшыня райвыканама праінфармаваў яе ўдзельнікаў аб сацыяльна-эканамічным развіцці раёна ў цэлым, адзначыў, як стабільную, работу мясцовага сельгаспрадпрыемства, выказаў надзею, што яго працоўны калектыў у аптымальныя тэрміны з высокай якасцю правядзе вясенне-палявыя работы.
