1 чэрвеня, Капыль /Уласн. iнф./. iВучань 11 класа СШ №2 г. Капыля Дзяніс Буракоў стаў пераможцам рэспубліканскай спартакіяды па летнім мнагаборстве “Здароўе”.
1 чэрвеня, Капыль /Уласн. iнф./. iВучань 11 класа СШ №2 г. Капыля Дзяніс Буракоў стаў пераможцам рэспубліканскай спартакіяды па летнім мнагаборстве “Здароўе”.
Ужо каторы год запар Дзяніс з’яўляецца адным з мацнейшых спартсменаў раёна. Прычым – амаль ва ўсіх відах. Асабліва ўдала выступае ён у разнастайных мнагаборствах. Тут, без перабольшвання, юнак недасягальны для сапернікаў не толькі на Капыльшчыне, але нават і ў вобласці.
У бягучым годзе юнак прымаў удзел у шматлікіх спаборніцтвах. У раёне выйграў спартакіяду дапрызыўнай і прызыўной моладзі комплексу “Абаронца Айчыны”, пасля – і ў вобласці. На рэспубліцы стаў «бронзавым» прызёрам. На апошнім старце, рэспубліканскай спартакіядзе па летнім мнагаборстве “Здароўе” (стральба, плаванне на 100 м, кіданне гранаты, бег 100 і 3000 м) палепшыў усе асабістыя рэкорды. “Сярэбраны” прызёр прайграў Дзянісу каля 30 ачкоў. А гэта, паверце, вельмі многа!
Для Дзяніса, як і ўсіх выпускнікоў рэспублікі, у суботу прагучаў апошні школьны званок. У планах - паступаць у фізкультурны інстытут. Праўда, пакуль вагаецца, што выбраць – ці лёгкую атлетыку, ці гандбол.
