6 жніўня, Капыль /Уласн. iнф./. Гарачая пара выдалася сёлета ў валанцераў Капыльшчыны. Аддзелам па справах моладзі Капыльскага райвыканкама, раённым камітэтам “БРСМ” аб’яўлена раённая маладзежная валанцерская акцыя “Культурная спадчына Капыльшчыны”.6 жніўня, Капыль /Уласн. iнф./. Гарачая пара выдалася сёлета ў валанцераў Капыльшчыны. Аддзелам па справах моладзі Капыльскага райвыканкама, раённым камітэтам “БРСМ” аб’яўлена раённая маладзежная валанцерская акцыя “Культурная спадчына Капыльшчыны”. Аб’ектам увагі сталі былыя сядзібна-паркавыя комплексы Капыльшчыны. Удзельнікі маладзежнага валанцерскага атрада з ліку працуючай моладзі “Крышталь” 4 жніўня пленна папрацавалі на добраўпарадаванні сядзібна-паркавага комплексу “Атонава” (помнік архітэктуры сярэдз. 19 ст.), што ў вёсцы Калінаўка-2 Капыльскага раёна. Гэта другі падобны аб’ект, які наведалі валанцеры селетнім летам. У ліпені маладыя людзі – прадстаўнікі прадпрыемстваў і арганізацый раёна - працавалі на былой сядзібе “Макраны” (помнік 19 ст., вёска Семежава Капыльскага раёна).
Дарэчы, у гэтым годзе ў раёне створаны і дзейнічаюць 7 валанцерскіх і 4 экалагічныя атрады, у склад якіх уваходзяць навучэнцы ўстаноў адукацыі раёна. Добраўпарадкаванне прышкольнай тэрыторыі, памятных месцаў, аказанне дапамогі ветэранам, састарэлым, адзінокім, інвалідам – вось далека не поўны пералік карысных спраў юных валанцераў і эколагаў.
