27 верасня, Капыль /Уласн. iнф./. У пятнiцу ў Лідзе адбыўся рэспубліканскі фестываль-кірмаш “Дажынкі-2010”. На ім пераможцам рэспублікан-скага паборніцтва уручаны ганаровыя дыпломы, легкавыя аўтамабілі, каштоўныя падарункі і грашовыя прэміі.
Гэта свята хлебаробаў пачалі адзначаць па ініцыятыве Прэзідэнта Беларусі Аляксандра Лукашэнкі з 1996 года. Старт яму быў дадзены ў Століне, дзе сабраліся перадавыя камбайнеры, вадзіцелі, кіраўнікі сельгаспрадпрыемстваў, раёнаў.
Сёлета ў складзе дэлегацыі Мінскай вобласці на свята працаўнікоў вёскі накіраваліся старшыня райвыканкама Анатоль Жданеня і старшыня Слабада-Кучынскага сельвыканкама Нэлі Гусева, паколькі менавіта Слабада-Кучынскі сельскі Савет прызнаны лепшым сярод сельсаветаў Мішчыны ў рэспубліканскім аглядзе-конкурсе “Землекарыстанне высокай культуры земляробства, добраўпарадкаванне машынных двароў, жывёлагадоўчых ферм і комплексаў”.
