28 верасня, Капыль /Уласн. iнф./. У г. Барысаве адбылося першынство Мінскай вобласці па шахматах, дзе ўдзел прымалі юнакі і дзяўчаты ва ўзросце да 18 гадоў.
На турніры выступалі мацнейшыя каманды сталічнага рэгіёна з Барысава, Дзяржынска, Маладзечна, Смалявіч, Жодзіна і Капыля. Дарэчы, наш раён прадстаўлялі толькі дзяўчаты. Да фіналу з шасцю ачкамі з шасці магчымых выйшлі Маша і Насця Корбуты.
Нават рашаючая партыя не выявіла мацнейшую. Але па дадатковых паказчыках першае месца прысудзілі Насці, а Маша заняла другое.
У наступным годзе абедзве дзяўчынкі будуць адстойваць гонар Міншчыны на рэспубліканскім этапе.
