2 лiстапада, Капыль /Уласн. iнф./. У сумеснай акцыі Беларускага рэспубліканскага саюза моладзі і Беларускай рэспубліканскай піянерскай арганізацыі “Пытанне Прэзідэнту” прынялі ўдзел каля 400 школьнікаў і навучэнцаў сельгасліцэя Капыльскага раёна.2 лiстапада, Капыль /Уласн. iнф./. У сумеснай акцыі Беларускага рэспубліканскага саюза моладзі і Беларускай рэспубліканскай піянерскай арганізацыі “Пытанне Прэзідэнту” прынялі ўдзел каля 400 школьнікаў і навучэнцаў сельгасліцэя Капыльскага раёна.
Аўтары самых цікавых і актуальных пытанняў атрымалі Падзячныя пісьмы ад кіраўніка дзяржавы. У ліку тых, хто іх удастоены, пяць навучэнцаў Капыльшчыны. Сваім удзелам у гэтай акцыі яны даказалі, што неабыякава глядзяць на тое, што адбываецца навокал, імкнуцца быць карыснымі сваёй краіне, уносяць асабісты ўклад у пабудову моцнай і квітнеючай Беларусі.
На ўрачыстых лінейках першы сакратар райкама ГА “БРСМ” Наталля Гарбацэвіч і начальнік аддзела па справах моладзі райвыканкама Валянціна Балажынская ўручылі Падзячныя пісьмы Прэзідэнта Рэспублікі Беларусь Аляксандра Лукашэнкі. Іх атрымалі Вікторыя Жук і Настасся Каменка з гімназіі №1 г. Капыля і навучэнцы сельскагаспадарчага прафесійнага ліцэя Дзмітрый Молакаў, Дзяніс Зарамбоўскі і Аляксандра Вечар
