8 снежня, Капыль /Уласн. iнф./. На працягу трох дзён у Мінскім дзяржаўным абласным інстытуце развіцця адукацыі праходзіўІ рэспубліканскі конкурс даследчых работ навучэнцаў па геаграфіі.8 снежня, Капыль /Уласн. iнф./. На працягу трох дзён у Мінскім дзяржаўным абласным інстытуце развіцця адукацыі праходзіўІ рэспубліканскі конкурс даследчых работ навучэнцаў па геаграфіі.
На суд журы быў прадстаўлены і плён працы капыльскіх школьнікаў: вучні УА “ДАСШ №2 г. Капыля імя Ц. Гартнага” Аліна Плотка, Аляксандр Прадун, Яўген Шэлег і Ілля Браўко пад кіраўніцтвам настаўніка геаграфіі Анатоля Сікорскага падрыхтавалі “Даведачна-інфармацыйны краязнаўчы атлас Капыльшчыны”. Права абараняць даследаванне было дадзена Іллі Браўко.
Дзейнасць юных даследчыкаў з Капыля была ацэнена Дыпломам ІІІ ступені. Распрацаваны імі краязнаўчы атлас стане для жыхароў і гасцей Капыльшчыны крыніцай больш глыбокіх ведаў пра маленькую радзіму. Тром з дваццаці ўдзельнікаў рэспубліканскага конкурсу (у тым ліку і Іллі Браўко) было прапанавана стаць членамі Беларускага геаграфічнага таварыства. Гэта сведчыць пра высокі ўзровень даследчай работы і пра наяўнасць навуковага патэнцыялу.
