10 студзеня, Капыль /Уласн. iнф./. Трыццаць дзяцей-сірот, якія навучаюцца ў Капыльскім сельскагаспадарчым прафесійным ліцэі, атрымалі напярэдадні Новага года падарункі ад РК прафсаюза работнікаў АПК.
Як расказаў старшыня райкама прафсаюза Аляксандр ТАТАРЫЦКІ, такая дабрачынная акцыя праводзіцца штогод: “Мы імкнёмся, каб юнакі і дзяўчаты, якім не хапае бацькоўскай ласкі, змаглі акунуцца ў радасную атмасферу свята, адчуць, што яны заўсёды могуць разлічваць на надзейную падтрымку з боку прафсаюзнай арганізацыі”.
Салодкія пачастункі атрымалі таксама дзеці работнікаў сельскагаспадарчых прадпрыемстваў. Прафсаюзныя камітэты гаспадарак сталі ініцыятарамі віншаванняў сваіх працоўных калектываў з Новым годам і Калядамі: казачныя Дзед Мароз і Снягурка наведаліся на кожны мехдвор, на кожную ферму і палявую брыгаду, каб павітаць вяскоўцаў і выказаць ім самыя найлепшыя пажаданні. Літаральна на кожнай цэнтральнай сядзібе прайшлі навагоднія прадстаўленні і агеньчыкі.
