10 студзеня, Капыль /Уласн. iнф./. 8 студзеня абрадаваму калектыву “Цары” Семежаўскага цэнтра культуры і вольнага часу аддзела культуры Капыльскага райвыканкама ўручана спецыяльная прэмія Прэзідэнта Рэспублікі Беларусь дзеячам культуры і мастацтва.
Гэтай высокай узнагародай адзначана вялікая работа рупліўцаў культурнай нівы вескі Семежава па вылучэнню, адраджэнню і захаванню традыцый адметнага каляднага абраду “Цары”, які, між іншым, характэрны толькі для гэтага населенага пункта. Дарэчы, менавіта па прычыне яго вялікай гісторыка-культурнай каштоўнасці семежаўскі абрад пазалетась быў унесены ЮНЭСКА ў Спіс сусветнай культурнай спадчыны