14 студзеня, Капыль /Уласн. iнф./. Дыплом І ступені на абласным этапе конкурсу навуковых біёлага-экалагічных работ навучэнцаў атрымаў дзевяцікласнік СШ № 2 г. Капыля імя Ц. Гартнага Вячаслаў Калевіч.
Усяго на конкурс было прапанавана 4 работы — з Бучацінскай, Старыцкай адзінаццацігодак, гімназіі №1 і СШ №2 г. Капыля. Лепшай была прызнана работа Вячаслава Калевіча, у якой пад кіраўніцтвам педагогаў В. М. Сянькевіч і С. У. Калевіч юнак даследаваў магчымасці атрымання альтэрнатыўных відаў энергіі з салёных памідораў і агуркоў. Ён атрымаў права прадстаўляць Мінскую вобласць на рэспубліканскім этапе. Да таго ж, мяркуецца, што яго работа зацікавіць і арганізатараў міжнароднага конкурсу, таму яму прапанавана падрыхтаваць яе абарону і на англійскай мове.
Дыпломам ІІІ ступені было адзначана даследаванне і Яўгеніі Лях — дзесяцікласніцы з гімназіі №1.
