1 лютага, Капыль /Уласн. інф./. Адбыўся “зорны паход” студэнтаў Белдзяржпедуніверсітэта па месцах баявой і працоўнай славы беларускага народа
Удзельнікаў 46-га Зорнага паходу студэнтаў і выкладчыкаў Беларускага дзяржаўнага педагагічнага ўніверсітэта імя М. Танка па месцах баявой і працоўнай славы беларускага народа сустракала на гэтым тыдні наша старажытная капыльская зямля. Выхаванцы вышэйшай навучальнай установы з факультэтаў псіхалогіі, рускай і беларускай філалогіі знаёміліся з паходжаннем, гісторыяй, памятнымі месцамі горада і раёна. У рамках мерапрыемстваў адбыліся сустрэчы, трэнінгі са школьнікамі і выкладчыкамі сярэдніх школ Капыльшчыны, а таксама шэраг спартыўных і забаўляльных праграм.
