1 лютага, Капыль /Уласн. інф./. Лясноўскае школьнае лясніцтва, якім кіруе настаўнік Віктар Іванавіч Караленка, стала пераможцам у абласным конкурсе школьных лясніцтваў і ўзнагароджана Дыпломам І ступені.
У спаборніцтве бралі ўдзел і юныя эколагі з Бучацінскай і Старыцкай школ. Аматары лесу рыхтавалі своеасаблівую справаздачу аб сваёй дзейнасці, дзе расказалі пра работу па ахове навакольнага асяроддзя, выхаванні ў школьнікаў любові да прыроды, арганізацыю экалагічнай сцяжынкі, вядзенне доследаў і выпрабаванняў і г. д.
