24 сакавiка, Капыль /Уласн. iнф./. Падсеў шматгадовых траў праведзены на 235 га. Гэтым відам работ займаюцца ў ААТ “Скабін”, “Прагрэс-2010”, “Малінава”, “Душава”, ЗАТ “Жыліхава” і ДП “Саўгас “Лясное”.
Гаспадаркі раёна вядуць падкормку шматгадовых траў (апрацавана 3645 га, або 26%), а таксама лугапашавых угоддзяў (3731 га, або 10%).
Пад яравую сяўбу вывезена 722 032 т (98% да нарыхтаванага) арганічных угнаенняў, унесена на палеткі – 257 994 т (36% да вывезенага).
Мінеральных угнаенняў унесена 4828 т дзеючага рэчыва. Актыўна ў гэтым напрамку працуюць у ААТ “Піянер-Агра” і “Старыца-Агра”, на рахунку якіх 449 і 373 т дз. р., адпаведна.
Пад будучы ўраджай сельгасарганізацыямі завезена 383,3 т насення эліты з 520 неабходных.