Копыльский районный исполнительный комитет

20 красавiка, Капыль /Уласн. iнф./. На базе ААТ “Капыльскі райаграсэрвіс” адбыўся чарговы савет дырэктараў аналагічных арганізацый Мінскай вобласці.
У парадак  дня  нарады было ўключана знаёмства з аб’ектамі шматгаліновага прадпрыемства па абслугоўванні аграпрамысловага комплексу, яго філіяламі, а таксама падвядзенне вынікаў работы райаграсэрвісаў вобласці за два месяцы 2011 года.
Капыльскі раён для правядзення семінара быў абраны невыпадкова. Па вытворчасці сельгаспрадукцыі ён з’яўляецца адным з перадавых на Міншчыне.
У рабоце ААТ “Капыльскі райаграсэрвіс” за студзень – люты 2011 года назіраюцца нядрэнныя паказчыкі. Рэнтабельнасць ад рэалізацыі тавараў, прадукцыі, работ і паслуг за гэты перыяд склала 5,8% пры плане 2%, працэнт выканання – 290 (летась было мінус 15,9%). За два месяцы атрымана 140 млн прыбытку пры планавым паказчыку 50 млн (працэнт выканання – 280, летась мінусавалі на 254%).
Шмат уражанняў ва ўдзельнікаў семінара пакінула наведванне вытворчай базы сэрвіснай арганізацыі: было адзначана добраўпарадкаванне тэрыторыі, яе азеляненне; была звернута ўвага на добры стан рамонтных майстэрняў, на стварэнне бытавых умоў. З асаблівай цікавасцю былі наведаны ўчастак па рамонце шын для трактароў “Фэндт”, “Джон Дзір” і г. д., а таксама станцыі тэхабслугоўвання, па рамонце паліўнай апаратуры. Трэба адзначыць, што не кожны райаграсэрвіс вобласці можа дазволіць сабе такія вытворчасці.
Падобныя семінары-нарады арганізоўваюць работу па навядзенні парадку, стымулююць да выканання паказчыкаў і пастаўленых задач.