21 красавiка, Капыль /Уласн. iнф./. На ФАКу адбыліся занальныя спаборніцтвы абласной спартакіяды дапрызыўнай і прызыўной моладзі па летнім мнагаборстве комплексу “Абаронца Айчыны”.
Шэсць каманд з Дзяржынскага, Клецкага, Капыльскага, Нясвіжскага, Стаўбцоўскага і Уздзенскага раёнаў змагаліся за выхад у фінальную частку абласных спаборніцтваў. Пяці юнакам кожнай дружыны неабходна было паказаць лепшыя якасці будучых абаронцаў Айчыны – трапнасць, хуткасць і моц - у стральбе, плаванні, падцягванні, кіданні гранаты, бегу на 100 і 3000 метраў.
Першыя чатыры каманды (Уздзенскі, Нясвіжскі, Капыльскі, Дзяржынскі раёны), якія змагаліся ў Капылі, выйшлі ў фінал абласных спаборніцтваў. Яны пройдуць ў г. Барысаве 26 - 27 красавіка. Жадаем капылянам дастойнага выступлення, тым больш, што запас сіл у іх ёсць.
