7 лiпеня, Капыль /Уласн. iнф./. У першы дзень ліпеня інжынерная служба раёна трымала своеасаблівы экзамен: прадстаўнічай камісіяй на чале з начальнікам Мінскай абласной інспекцыі Дзяржтэхнагляду Аляксандрам Судаленкам была праверана гатоўнасць гаспадарак да пачатку ўборачнай кампаніі.
Як паведаміў Валерый Прахарэня, начальнік Капыльскай раённай інспекцыі Дзяржтэхнагляду, было створана 9 груп з ліку начальнікаў раённых інспекцый Дзяржтэхнагляду з Нясвіжа, Клецка, Узды, Слуцка, Салігорска, Любані, Старых Дарог і Стоўбцаў, а таксама прадстаўнікоў інжынернай службы райаграсервісу, якія наведалі ўсе сельгаспрад-прыемствы Капыльшчыны. Правяралася гатоўнасць тэхнікі, якая будзе задзейнічана на ўборцы збожжавых і зернебабовых (асабліва камбайнаў), збожжасушыльнай гаспадаркі, пад увагу браўся і парадак на машынных дварах.
Як было адзначана пры падвя-дзенні вынікаў аб’езду, капыльскім аграрыям неабходны яшчэ тыдзень для таго, каб давесці распачаты рамонт тэхнікі да канца.
