8 лiпеня, Капыль /Уласн. iнф./. “Для вас, працаўнікі сяла!”– так называецца новая канцэртная праграма, якую прадставіў жыхарам вёсак Комсічы і В. Раёўка народны ансамбль народнай песні «Спадчына».
Прыгожыя народныя песні гучалі з вуснаў салістаў ансамбля – Антона Шышмарова, Сняжаны Чырко, Паўла Дрожжы, Яраслава Грыбка і кіраўніка ансамбля Валянціны Зарамбоўскай. Спалучэнне музыкі, песень і танцаў дало магчымасць стварыць выдатную праграму, якая цудоўна ўспрынялася вяскоўцамі. Адзначым, што пазнаёміцца з творчасцю аматарскіх калектываў раёна змогуць усе жыхары маланаселеных вёсак, згодна з распрацаваным планам аддзела культуры райвыканкама.
