21 лiпеня, Капыль /Уласн. iнф./. У добрага гаспадара, які робіць стаўку на жывёлагадоўлю, у летнюю пару нараўне з уборкай збожжавых і зернебабовых вядуцца корманарыхтоўчыя работы. У ААТ “Капыльскае” гэта актуальна ўдвая, паколькі тут практыкуецца аднатыпнае кармленне дойнага статка. У прыватнасці, на МТК “Цімкавічы” (у рэканструяваным будынку былога комплексу па адкорме БРЖ) жывёлаводы працуюць у тры змены.
Да таго ж з нядаўняй пары жывёлаводы сельгаспрадпрыемства ўзначалілі раённую турнірную табліцу па вырошчванні буйной рагатай жывёлы, абышоўшы такіх прызнаных майстроў, як работнікаў комплексу “Чарнічнае” ААТ “Старыца-Агра”.
На рахунку ААТ “Капыльскае” ўжо 15 170 т сенажу і 1015 т сена. На трамбоўцы зялёнай масы працуюць два магутныя трактары: К-700, “Беларус-3022” , “Амкадор”. Такім чынам, увесь светлавы дзень тут на трамбоўцы працуюць тры адзінкі тэхнікі, а ноччу на змену прыходзіць чацвёрты механізатар. Травы ў сельгаспрадпрыемстве, як гэта і павінна быць, паспяваюць канвеерам: толькі ўбралі першы ўкос, як адрасла атава. І зноў трэба ўсё пачынаць спачатку. Сёлета ў гаспадарцы перазалужылі звыш 900 га, засеялі самымі спажыўнымі кармавымі культурамі, якія хутка пачнуць даваць аддачу.