28 лiпеня, Капыль /Уласн. iнф./. Жніво ў ААТ “Ціміразеўскі” пачалося з уборкі азімай пшаніцы. Менавіта гэта культура паспела першай і дае неблагія рэзультаты.28 лiпеня, Капыль /Уласн. iнф./. Жніво ў ААТ “Ціміразеўскі” пачалося з уборкі азімай пшаніцы. Менавіта гэта культура паспела першай і дае неблагія рэзультаты.
Калі летась у сярэднім па гаспадарцы была ўраджайнасць 29 ц/га, то сёлета ўжо на 10 ц/га больш. Убрана больш 30% неабходнай плошчы і намалочана 5639 тон збажыны. Паралельна з пшаніцай убіраюць трыцікале, у канцы тыдня дойдзе чарга і да ячменю.
Паколькі гаспадарка мае досыць значную плошчу (толькі збожжавыя і зернебабовыя занялі 4000 га), палічылі мэтазгодным увесь камбайнавы парк, а гэта 13 машын, разбіць на тры звяны Адным са складальнікаў поспеху з’яўляюцца, безумоўна, умовы працы, якія створаны для ўдзельнікаў жніва. У ААТ “Ціміразеўскі” яны добрыя. Работнікі сталовай клапоцяцца, каб своечасова прыгатаваць і даставіць на поле смачныя абеды, забяспечаны хлебаробы пітной вадой, маюць магчымасць пасля цяжкага дня змыць пыл і стому, своечасова атрымліваюць інфармацыю аб выніках сваёй працы.І яшчэ адна акалічнасць, якая з’яўляецца ледзь не самай асноўнай падчас жніва — якасць яго вядзення. На палетках за ходам работ сочаць брыгадзіры, ды і самі камбайнеры вельмі зацікаўлены, каб не дапусціць страт.
Паралельна жніву ідзе і адвозка саломы: арганізавана звяно з двух пагрузчыкаў і трох трактароў, і вось ужо новенькія скірды жаўцеюць ля жывёлагадоўчых ферм.
У ліку лідэраў раённага спаборніцтва экіпаж пад началам старэйшага з Пяцігорцаў — Сяргея, які сёлета працуе ў пары з Андрэем Міцько. Яны першымі ў раене намалацілі ўжо 1014 тон збажыны.
