18 жніўня, Капыль /Уласн. інф./ Жніво падышло да свайго фінішу. Асноўным для аграрыяў раёна стала выкананне дзяржзаказу па харчовай пшаніцы. Неабходна было адгрузіць 15 тысяч тон, з чым гаспаркі паспяхова справіліся літаральна за дзесяць дзён.
Цяпер ідзе рэалізацыя піваварнага ячменю. Гэта культура сёлета не вельмі парадавала хлебаробаў. Неабходна паставіць на ААТ “Крыніца” 6000 тон гэтай культуры і 3300 тон на ААТ “Белсолад” (знаходзіцца ў г. Іванава Брэсцкай вобласці). Ужо выканалі задачу ААТ “Семежава”, ААТ “Піянер-Агра”, СГФ “Руднае”, ЗАТ “Жыліхава”, філіял “В. Раёўка”, ААТ “П-з “Дусаеўшчына”. Ідзе планамернае выкананне дзяржзаказу ў ААТ “Ціміразеўскі”, перад якім стаіць задача адгрузіць 1350 тон ячменю, ААТ “Мажа-Агра”, РСУП “Бабоўня”, ААТ “Прагрэс-2010”.
Заданне па ААТ “Крыніца” практычна выканана на 66 %, а ў цэлым – на 52%. На адвозцы ячменю задзейнічаны аўтамабілі ААТ “Аўтапарк № 21” і ААТ “Капыльскі райаграсервіс”.
Акрамя збожжавых культур, аграрыі Капыльшчыны працуюць і над рэалізацыяй рапсу: планавае заданне ў 7000 тон практычна выканана.