2 верасня, Капыль /Уласн. iнф./. У святочнай праграме рэспубліканскага фестывалю-кірмашу працаўнікоў вёскі «Дажынкі-2011» прымуць удзел і прадстаўнікі Капыльшчыны.
Добры настрой лепшым працаўнікам вёскі будуць ствараць народныя калектывы раённага Цэнтра культуры “Спадчына”, “Капыльскія пацехі”, парадуюць сваёй творчасцю майстры з клуба народнай творчасці “Скарбонка”, самыя лепшыя тканыя і вышываныя творы прапануе да ўвагі гасцей раённы цэнтр ткацтва ў экспазіцыі «Бабуліны кросны – узор дзівосны», пазнаёмяць са стравамі народнай кухні “Лоцвінскія ўдалухі” і майстры гэтай справы з Песачанскага цэнтра культуры і вольнага часу.
