13 верасня, Капыль /Уласн. iнф./. Сёлета пад вырошчванне кукурузы ў раёне адведзена плошча ў 12 863 га, з іх 3435 га — на зерне, а астатнія – на сілас і зялёную масу. Ужо ўбрана 38% палеткаў, а сярэдняя ўраджайнасць склала 294 ц/га.
Працаўнікоў ААТ “Скабін” сёлетні ўраджай радуе. Тут збіраюць звыш 300 ц/га, што вышэй за сярэднераённы паказчык. Усяго неабходна ўбраць 250 га на сілас і 100 га на зерне. Для корманарыхтоўкі быў пасеяны спецыяльны гатунак “палескі-212”, а на зерне — французскія і малдаўскія гібрыды (дарэчы, іх уборка пачнецца, калі будзе назірацца поўная спеласць).
Уся тэхніка поўнасцю падрыхтавана да вядзення работ.
Адразу ж вядзецца закладка сіласнай ямы (за дзень утрамбоўваецца прыкладна 250 — 350 т масы). У гаспадарцы імкнуцца нарыхтаваць якасныя кармы, закладка вядзецца кругласутачна. На яме дзяжураць адказныя спецыялісты.
На ўборцы кукурузы задзейнічаны вопытныя механізатары, перадавікі гаспадаркі і раёна: Іван Лук’яновіч, Аляксандр Музыка, якія працуюць на КЗР-10, а на трамбоўцы заняты Аляксандр Грынкевіч і Васіль Самонін.
