14 верасня, Капыль /Уласн. iнф./. У пятніцу капыляне і госці горада сталі сведкамі відовішчнага і захапляльнага маладзёжнага праекта “Уладар вёскі-2011”. На плошчы Леніна разгарнулася асноўнае дзейства, дзе за ганаровы тытул III абласнога этапа конкурсу змагаліся сем’і з 13 раёнаў Міншчыны. Пяць конкурсаў неабходна было пераадолець кожнай пары, і ўсе перашкоды яны прайшлі дастойна.
У 2009 і 2010 гадах капыляне перамагалі не толькі ў абласных, але і ўпэўнена ўзялі першае месца ў рэспубліканскіх конкурсах. Капыльшчыну сёлета прадстаўлялі Алена і Руслан Лось з аг. Пясочнае, якія сталі другімі, а перамаглі прадстаўнікі Клецкага раена.




