30 верасня, Капыль /Уласн. iнф./ Дэлегацыі Капыльшчыны, як і іншых раёнаў краіны, прымаюць гэтымі днямі ўдзел у рэспубліканскім свяце працаўнікоў вёскі “Дажынкі-2011”, што праходзіць у г.Маладзечна. Сярод тых, хто атрымае ўзнагароду, вадзіцель ААТ “Старыца-Агра” Сяргей Пратасевіч, які заняў трэцяе месца ў спаборніцтве на перавозцы кармоў. 30 верасня на свята запрошана дэлегацыя на чале са старшынёй раённага выканаўчага камітэта Анатолем Жданенем, а таксама лідарамі жніва ў раёне-кіраўнікамі ААТ “Семежава” Іванам Лянько, “Піянер-Агра”-Аляксандрам Макарчуком, “Старыца-Агра”-Уладзімірам Рудакоўскім, “Капыльскае”-Анатолем Кіулам і дырэктарам ААТ “Капыльскі масласырзавод”- Іванам Горбачам (дарэчы, прадукцыя апошняга прадпрыемства выстаўлена на святочных пляцоўках).
1 кастрычніка дэлегацыю Капыльшчыны ўзначаліць першы намеснік старшыні райвыканкама начальнік упраўлення райсельгасхарчу Ірына Кісляк. У яе склад таксама увайшлі дырэктары ААТ “Скабін”-Віктар Станкевіч, “Ціміразеўскі”-Аляксандр Турбан, “Прагрэс-2010”-Валерый Тароцька і МАУП “Доктаравічы”-Уладзімір Дземянкоў.
Удзел у святочных мерапрыемствах таксама прымаюць работнікі культуры і самадзейныя артысты раёна.
