Капыльскі раённы выканаўчы камітэт

Інфраструктура, створаная ва ўстановах культуры Слуцка, дала магчымасць на самым высокім узроўні правесці ўсе мерапрыемствы рэспубліканскай акцыі "Слуцк - культурная сталіца Беларусі 2023". Такім меркаваннем падзяліўся міністр культуры Анатоль Маркевіч у час урачыстай цырымоніі закрыцця акцыі, перадае карэспандэнт БЕЛТА.

Юных жыхароў Дзяржынска аб'ядноўвае цэнтральная раённая бібліятэка. Яна падрыхтавала навагодні падарунак для сваіх наведвальнікаў. Творчае аб'яднанне ўстановы "Тэатрландыя" прапануе тэматычную пастаноўку да зімовых свят. Спектакль - вынік работы "Тэатра ценяў", у якім працуюць выключна дзеці.

Салігорскі "Шахцёр" атрымаў тры перамогі ў другім туры чэмпіянату Расіі па баскетболе 3х3 і прабіўся ў этап "Майстар", паведамляе карэспандэнт БЕЛТА.

У адным з чатаў Telegram-канала, зарэгістраванага ўчора на замежны нумар, з'явіўся інфармацыйны ўкід аб плануемых узброеных атаках на школы Салігорска. УУС Мінскай вобласці заяўляе аб недакладнасці гэтай інфармацыі, паведамляе БЕЛТА са спасылкай на ўпраўленне ўнутраных спраў Мінскай вобласці.

Аграпрамысловы комплекс Мінскай вобласці павялічыць патэнцыял дзякуючы рэалізацыі новых буйных праектаў. Сферы - птушкагадоўля, свінагадоўля, а таксама глыбокая перапрацоўка. Дарэчы, сёння ўзводзяць больш за 30 малочна-таварных комплексаў.

Карысная прадукцыя з Мінскай вобласці і новыя экспартныя кірункі. У Клецку сталі выпускаць крэм-суп на аснове таматаў, буракоў і гарбуза. Да навінкі прыглядаюцца пакупнікі і з іншых краін. А сярод актуальных "бестселераў" клецкіх прамыслоўцаў - вараныя буракі, морква і бульба ў вакуумнай упакоўцы. Гатовы варыянт для салатаў або гарніраў з сыравіны ад беларускіх фермераў. Акрамя таго, прадпрыемства выходзіць на азіяцкі рынак з дзіцячым харчаваннем з ягад, агародніны і садавіны.

У індустрыяльным парку "Вялікі камень" падпісана пагадненне аб супрацоўніцтве ў сферы інфармацыйных тэхналогій, паведамляе БЕЛТА са спасылкай на прэс-службу індустрыяльнага парка.

Крупская ДЮСШ ажыццяўляе падрыхтоўку вучняў па чатырох відах спорту: лёгкай атлетыцы, футболе, плаванні і спартыўнай гімнастыцы. Займаецца на аддзяленнях 213 хлопчыкаў і дзяўчынак, у тым ліку з сельскай мясцовасці. Вынікам трэнерскай і вучнёўскай карпатлівай працы з'яўляюцца медалі ў спорце вышэйшых дасягненняў. У 2023 годзе ў вышэйшае звяно падрыхтоўкі перададзены тры выхаванцы школы. Прадстаўнікі рэгіёна ёсць і ў складзе Нацыянальнай зборнай Рэспублікі Беларусь. Таксама крупскія гімнасты тройчы станавіліся пераможцамі рэспубліканскіх спаборніцтваў "Юны чэмпіён", апошнія два гады - сярэбранымі прызёрамі. Формулай поспеху спартсменаў з'яўляецца талент, працавітасць і цярпенне.

Маштабна і маляўніча пройдзе ў Мінскай вобласці традыцыйная навагодняя дабрачынная акцыя "Нашы дзеці", якая адкрыецца мерапрыемствам 15 снежня ў Дзяржынску. Аб гэтым карэспандэнту БЕЛТА расказалі ў галоўным упраўленні па адукацыі, спорце і турызме Мінскага аблвыканкама.

Новыя інвестыцыйныя праекты з’яўляюцца ў аграпрамысловым комплексе Мінскай вобласці. Так, у Барысаве да канца года пачне працаваць самая сучасная ў краіне лінія па вытворчасці макаронных вырабаў. Зараз манціруюць абсталяванне. Праект рэалізуе Барысаўскі камбінат хлебапрадуктаў. Гэта дазволіць прадпрыемству стабільна выконваць заказы як для ўнутранага рынку, так і на экспарт. Дарэчы, барысаўскія макароны даспадобы як у Еўропе, так і азіяцкім рэгіёне. Усяго ж цэх камбіната выпускае звыш паўсотні відаў прадукцыі.