Капыльскі раённы выканаўчы камітэт

Даніна подзвігу і гераізму. Памяць аб загінуўшых праваахоўніках Мінскай вобласці ўшанавалі 2 сакавiка. Кветкі і вянкі ляглі да помніка, які знаходзіцца ў сталіцы ва ўнутраным дворыку упраўлення ўнутраных спраў Мінаблвыканкама. На камені залатымі літарамі выгравіраваны прозвішчы міліцыянераў, якія годна неслі службу, абаранялі свой народ і Радзіму і дзеля іх ахвяравалі ўласным жыццём. На памятнай цырымоніі прысутнічалі і сем'і загінуўшых.

Лясная гаспадарка Мінскай вобласці сёлета папоўніцца новымі значнымі аб'ектамі. У праграме 22 інвестыцыйныя прамысловыя праекты. Так, услед за Барысавым, дзе ў мясцовым лясгасе ўзводзяць ужо другі цэх па вытворчасці пелет, выпуск драўняных паліўных гранул плануюць наладзіць у Бярэзінскім, Чэрвеньскім, Уздзенскім, Лагойскім лясгасах. Акрамя таго, драўніну нізкага сорту задзейнічаюць і на новых вытворчасцях еўрападдонаў. Напрыклад, у Вілейцы, Слуцку і Капылі. Усе прадпрыемствы-навічкі арыентаваны ў асноўным на экспарт.

Валейбольны клуб салігорскі "Шахцёр" - пераможца рэгулярнага сезона чэмпіянату Беларусі. У ключавым матчы "гарнякі" не пакінулі шанцаў свайму галоўнаму канкурэнту - сталічнаму "Будаўніку" - 3:0. Самым дзейсным у складзе пераможцаў стаў Павел Аўдочанка - ён набраў 19 ачкоў. Першая пазіцыя па выніках рэгуляркі дазволіць дзеючаму чэмпіёну краіны пачаць выступленне ў плэй-оф са стадыі паўфіналу.

Кітайска-беларускі індустрыяльны парк "Вялікі камень" зацікаўлены ў развіцці супрацоўніцтва з кубінскімі фармацэўтычнымі прадпрыемствамі, паведамілі БЕЛТА ў прэс-службе парка.

24 лютага адбылася цырымонія адкрыцця дзіцячай гарадской паліклінікі ў горадзе Жодзіна. Удзел у мерапрыемстве прынялі старшыня Мінаблвыканкама Аляксандр Турчын і міністр аховы здароўя Дзмітрый Піневіч.

Новы значны аб'ект у сістэме аховы здароўя Мінскай вобласці! У Валожыне пасля капітальнага рамонту і мадэрнізацыі адкрылі хірургічны корпус Цэнтральнай раённай бальніцы. Будынак, якому больш за 50 гадоў, зусім як новы. Тут тры аддзяленні, дзе праводзяць аперацыі і лечаць пацыентаў з рознымі траўмамі. Ёсць і палаты павышанай камфортнасці. Усяго аддзяленне разлічана на 44 месцы. Новае абсталяванне і тэхнічныя ноу-хау ў дапамогу медыкам. У далейшым плануецца мадэрнізаваць і іншыя аб'екты аховы здароўя Валожына.

Гранд-фінал 11-га сезона конкурсу "100 ідэй для Беларусі" прайшоў 22 лютага ў Кітайска-беларускім індустрыяльным парку "Вялікі камень".

Вывесці рэгіянальную медыцыну на новы ўзровень! Кабінет камп'ютарнай тамаграфіі хутка адкрыюць у Дзяржынскай цэнтральнай раённай бальніцы. Сярод ноу-хау і газіфікатар з вадкім кіслародам. Выкарыстоўваць яго, у адрозненне ад звычайных балонаў, будзе прасцей і больш эканомна. Таксама крыяцыліндр цалкам забяспечыць рэзерв жыццёва важнага элемента. Акрамя таго, у медустанове ідзе будаўніцтва новага дыягнастычнага корпуса. Будынак плошчай 1 000 квадратаў узвядуць ужо сёлета. З'явіцца там і МРТ - абсталяванне паступіць ужо ў сакавіку.

Прадстаўнікі місіі наглядальнікаў ад СНД наведалі Лагойскую раённую камісію і ўчасткі для галасавання па рэферэндуме. Наглядальнікі сустрэліся са старшынёй Лагойскай раённай камісіі па галасаванні і старшынямі ўчастковых камісій.

Лепшыя знатакі правілаў бяспекі з Мінскай вобласці прынялі ўдзел у алімпіядзе, арганізаванай Міністэрствам па надзвычайных сітуацыях на базе Бараўлянскай сярэдняй школы № 3. Больш за 80 школьнікаў з цэнтральнага рэгіёна на працягу гадзіны рашалі няпростыя тэсты на веданне асноў бяспекі. Экстрымальныя сітуацыі, мадэлі бытавых ўзгаранняў, падтапленняў - на ўсе пытанні вучням трэба было выбраць правільны адказ з некалькіх варыянтаў.