Капыльскі раённы выканаўчы камітэт

У Беларусі заснаваны Дзяржаўны знак якасці. Адпаведны ўказ нумар 21 падпісаў Прэзідэнт Беларусі Аляксандр Лукашэнка. Аб гэтым БЕЛТА паведамілі ў прэс-службе беларускага лідара.

Рэспубліканскі план мерапрыемстваў па правядзенні Года якасці зацверджаны ў Беларусі. Гэта прадугледжана пастановай Савета Міністраў ад 16 студзеня 2024 года нумар 41, паведамляе БЕЛТА са спасылкай на Нацыянальны прававы інтэрнэт-партал.

ВУП Беларусі за 2023 год вырас на 3,9 працэнта. Аб гэтым паведамілі БЕЛТА ў Нацыянальным статыстычным камітэце.

Дырэктар Нацыянальнага цэнтра маркетынгу Мікалай Барысевіч сустрэўся з паслом Турэцкай Рэспублікі Мустафой Азджанам, які завяршае дыпламатычную місію ў Беларусі.

Аб павелічэнні тавараабароту, стварэнні сумесных праектаў і вялікім супрацоўніцтве ў цэлым з Таджыкістанам 15 студзеня гаварылі ў Палацы Незалежнасці. Аляксандр Лукашэнка ў размове з паслом абазначыў адносіны на палітычным узроўні паміж краінамі як дружалюбныя. Гэта павінна ўплываць і на эканоміку - і тут ёсць над чым працаваць.

У беларускім павільёне на ВДНГ у Маскве праходзяць дні Брэсцкай вобласці. Гэты рэгіён стаў першым, які падрыхтаваў маштабную экспазіцыю ў рамках форуму "Расія".

Выплаты па бальнічных лістах у Беларусі вырастуць з 1 ліпеня 2024 года, піша Sputnik са спасылкай на Міністэрства працы і сацыяльнай абароны.

"Шторм", "Тайфун", "Цыклон", "Смерч". Аб'ядноўвае гэтыя стыхіі міліцэйскі спецназ. За апошні час у Беларусі створана 9 спецыяльных падраздзяленняў унутраных войскаў. Адно з іх "Буран" - Гомельскае падраздзяленне спецыяльнага прызначэння ўжо паўгода кругласутачна на варце нацбяспекі. Атрад быў створаны ў маі мінулага года на базе вайсковай часці 5525. Усё гэта гаворыць пра тое, што ва ўнутраных войсках працягваюць узмацняць спецназаўскі складальнік. Дарэчы, менавіта на байцоў спецпадраздзяленняў унутраных войскаў дзяржава ўскладае "вялікія надзеі ў барацьбе з дыверсійна-разведвальнымі групамі і незаконнымі ўзброенымі фарміраваннямі".

Беларусь павялічыла нарыхтоўку крыві і яе кампанентаў на 7 %. Аб'ёмы данацый за мінулы год дасягнулі максімуму ў гісторыі незалежнай Беларусі. Нарыхтавана больш за 260 тыс. літраў крыві, перапрацавана звыш 65 тон плазмы. Дзякуючы гэтаму ўдалося закрыць усе патрэбнасці медыцынскіх устаноў у кампанентах. Сфарміраваны і пастаянна падтрымліваецца рэзерв. Сёння ў Беларусі нарыхтоўку крыві праводзяць больш як 700 устаноў і прадпрыемстваў, да работы падключыўся і мабільны комплекс, які дазваляе праводзіць данацыі на выездзе. Летась донарамі крыві сталі звыш 110 тыс. чалавек.

У Беларусі і далей будуць узмацняць патрабаванні да якасці прадукцыі, пры гэтым удасканальваць матэрыяльна-тэхнічную базу для правядзення кантрольных мер. У краіне ўжо паспяхова працуе радыёбязрэхавая камера - сучасны выпрабавальны комплекс. У перспектыве лабараторыю даўкамплектуюць. Размова ідзе пра стварэнне аэракліматычнай камеры, у якой можна будзе ўзнавіць рэальныя і экстрэмальныя ўмовы эксплуатацыі тавару.