Капыльскі раённы выканаўчы камітэт

Подых набліжэння свята, цеплыні і чараўніцтва працягвае панаваць і падчас дабрачыннай акцыі "Нашы дзеці" ў сталіцы і вобласці. Навагодняе свята сёння завітала да пацыентаў Мінскай абласной дзіцячай клінічнай бальніцы. Для іх падрыхтавалі гульні, "Шоу вясёлых мыльных бурбалак" і, вядома, карагод з Дзедам Марозам і Снягуркай.

Інфраструктура Мінскага раёна ў найбліжэйшы час папоўніцца спартыўнымі, адукацыйнымі, медыцынскімі і гандлёвымі ўстановамі. Так, ужо ў наступным годзе ў аграгарадку Сеніца пачнецца будаўніцтва школы на 720 месцаў. А ў Заслаўі пачнуць узводзіць паліклініку, а пазней і бальніцу. Сферу аховы здароўя ўзмоцняць і новыя паліклінікі ў такіх пасёлках як Азярцо і Бараўляны. Значна пашырацца магчымасці жыхароў Мінскага раёна і для заняткаў спортам.

Падарыць свята. Дабрачынная акцыя "Нашы дзеці" завітала сёння ў Маладзечанскі раён. Губернатар Мінскай вобласці наведаў дзіцячы дом сямейнага тыпу ў пасёлку Чысць. Ужо каля 15 гадоў ролю прыёмных бацькоў тут выконваюць Раіса і Казімір Макей. За гэты час сваёй любоўю яны акружылі 29 дзяцей, у тым ліку 7 выхоўваюць зараз. Карысныя падарункі атрымаў кожны. У вялікай і дружнай сям'і з'явіліся новая пральная машына і камп'ютар, акустычная сістэма і прынтар. Для развіцця творчых здольнасцей дзяцей - мікрафон, прафесійныя фарбы і пэндзлі, спартыўны інвентар, разнастайныя гульні.

Яслі-сад нумар 4 адкрылі 16 снежня ў Калодзішчах. У будынку дзіцячага сада зроблена ўсё, каб дзеці адчувалі сябе камфортна, маглі атрымліваць неабходныя для іх узросту веды і весела праводзіць час. У ім размясцілася 12 групавых памяшканняў, фізкультурная, трэнажорная, музычная залы, басейн, камп'ютарны клас, кабінеты настаўніка-дэфектолага і педагога-псіхолага, метадычны кабінет, медыцынскі блок і харчаблок. Прадугледжаны ўмовы для дадатковых адукацыйных паслуг.

Сёлета тут адразу некалькі новых праектаў. Адзін з іх - цуд-сукенка, якую звязалі 40 майстроў з 11 краін свету.

Дзе, як ні на першынстве маладому пакаленню спрабаваць свае сілы і набірацца вопыту для будучых прафесійных перамог? Валейбольны турнір "Мяч над сеткай" пры падтрымцы Прэзідэнцкага спартыўнага клуба дае такую магчымасць сёння ў Салігорску. Суддзі, трэнеры, форма, шмат запасных мячоў. Амаль як у дарослых. Фармат спаборніцтваў такі: шэсць каманд, у складзе якіх дзеці ад 10 да 16 гадоў, сустракаюцца ў чатырох турах. Па выніках будуць вызначаны ўдзельнікі "Фіналу чатырох". Яны і аспрэчаць запаветны трафей.

Новыя праекты ў АПК Мінскай вобласці. Так, у наступным годзе ў саставе Беларускай нацыянальнай біятэхналагічнай карпарацыі з'явіцца завод па вытворчасці амінакіслот, а на базе агракамбіната "Нясвіжскі" пачнуць будаўніцтва комплексу па вытворчасці мяса бараніны, у тым ліку па стандарце халяль. Высокіх стандартаў якасці малочнай прадукцыі прытрымліваецца і Нясвіжскі завод дзіцячага харчавання. Прадпрыемства, якое замежныя інвестары пабудавалі літаральна з нуля, адзначае сваё пяцігоддзе. Сёння ў яго асартыменце больш як 60 найменняў прадукцыі, 97 % якой пастаўляюць на экспарт у гандлёвыя сеткі Расіі. Дарэчы, акрамя натуральнасці, шануецца і хуткасць вытворчасці: на выпуск малочных прадуктаў даецца не больш як 36 гадзін з моманту атрымання малака на ферме.

Да маючай адбыцца навагодняй кампаніі па рэалізацыі іглічных дрэў рыхтуюцца гэтымі днямі лясгасы Маладзечанскага і Валожынскага раёнаў. Саміх віноўніц свята на ёлачныя кірмашы прывязуць толькі 20 снежня. А вось кошты гатовы агучыць ужо сёння.

Сучасны фізкультурна-аздараўленчы комплекс "АкваСтар" адкрылі 9 снежня ў Старых Дарогах. Комплекс узвялі ў густанаселеным мікрараёне. У новым аб'екце, які пабудавалі роўна за год, размясціўся басейн з чашамі для дарослых і дзяцей, а таксама трэнажорная, більярдная і фітнес-зала, саўна. Для наведвальнікаў таксама зрабілі ўтульнае кафэ. Наведваць аб'ект змогуць спартсмены, школьнікі і іншыя гараджане. Аб'ект перададзены на баланс ДУ "ДЮСШ Старадарожскага раёна".

У Нясвіжскім замку рыхтуюцца да калядных свят! Тут падвялі вынікі міжнароднага конкурсу ёлачнай цацкі "Калядная казка". У конкурсе прынялі ўдзел больш за 200 майстроў з розных краін свету. У фінал трапілі толькі 27.