Урачыстасці да Дня пажарнай службы ў Мінску пройдуць 20 ліпеня, паведамілі БЕЛТА ў МНС Беларусі.
Гасцей свята чакаюць парад і выстава пажарнай аварыйна-выратавальнай тэхнікі, канцэрт і феерверк, водная феерыя і дэманстрацыя працы авіяцыі МНС. "Дзеці і дарослыя змогуць правесці час з карысцю, выпрабаваць свой спрыт і адчуць сябе выратавальнікамі, прымерыўшы баявую вопратку. На ўсіх гульнявых лакацыях можна будзе не толькі атрымаць шмат карыснай інфармацыі, але і зарабіць спецыяльныя жэтоны, якія можна абмяняць на прызы і сувеніры", - распавялі ў МНС.
Забаўляць малых будуць яркія роставыя лялькі, з якімі можна будзе сфатаграфавацца на памяць. Не абыдзецца і без ўлюбёнцаў публікі - лабрадораў з кіналагічнай службы Рэспубліканскага атрада спецыяльнага прызначэння МНС. Падсілкавацца можна будзе ў адной з чатырох палявых кухняў.
Пачнецца святкаванне 20 ліпеня ў 11.00. Асноўныя мерапрыемствы пройдуць у Цэнтральным дзіцячым парку імя Максіма Горкага.
Мінская гарадская дума і губернскае праўленне 25 ліпеня 1853 года разгледзелі пытанне "Аб стварэнні пажарнай часці ў Мінску", была зацверджана каштарыс расходаў на ўтрыманне пажарнай часці ў складзе 51 чалавека. Менавіта гэты дзень быў прыняты за пачатак стварэння пажарнай службы ў Беларусі і адзначаецца як Дзень пажарнай службы.
Крыніца: minsk-region.gov.by
