Мінская хваля, Таццяна Карпік
Першым у Мінскай вобласці намалаціў 3000 тон збожжа камбайнавы экіпаж КСУП "Племянны завод Чырвоная Зорка" Клецкага раёна.
11 жніўня на полі гэтага сельгаспрадпрыемства стала ўрачыста і святочна. І не выпадкова. Тут сабраліся жонкі, дзеці, бацькі камбайнераў, якія першымі ў галіне намалацілі 3 тысячы тон збожжа.
Павіншаваць іх прыехаў старшыня Мінскага абласнога выканаўчага камітэта Анатоль Ісачанка. Ён уручыў падзячныя лісты і наборы інструментаў у падарунак трактарысту-машыністу Пятру Макрэцкаму і памочніку камбайнера Аляксандру Дзямідчыку.
Віншуючы перадавікоў, Анатоль Міхайлавіч адзначыў, што частка ўраджаю - гэта і заслуга іх сем'яў. Ён падкрэсліў вялікую ролю блізкіх людзей: "Важна, з якім настроем чалавек ідзе на працу, як сям'я сустракае з працы, ды і частка клопатаў па хаце блізкім прыходзіцца браць на сябе, пакуль камбайнер у полі". Як вядома, у гэты перыяд у полі камбайнеры ад світання і да заходу.
Анатоль Ісачанка падзякаваў сям'і перадавікоў і ўручыў падарункі. Самая маленькая, паўтарагадовая Ксенія Макрэцкая з рук губернатара вобласці атрымала раскошны букет руж і прыгожага мішку. Яе 10-гадовы брат Арцём з задавальненнем пачаў разглядаць школьны заплечнік. Пазней, у інтэрв'ю "Мінскай хвалі", ён распавёў, што яго тата самы лепшы і самы добры.
Члены сем'яў таксама атрымалі ў падарунак сотавыя тэлефоны, пледы.
Не хавала гонару за сына Галіна Дземідчык. Цяпер яна, былы перадавік гаспадаркі, ужо на заслужаным адпачынку.
А самі віноўнікі ўрачыстасці аб сваім поспеху кажуць сціпла, праўда, адзначаюць: «Тут як у спорце: дарага кожная секунда, ды надзейны тыл».
Крыніца: minsk-region.gov.by
