Адкрываючы пасяджэнне, старшыня Мінаблвыканкама Анатолій Ісачанка адзначыў, што за першае паўгоддзе выканана 4 з 5 ключавых паказчыкаў.
Экспарт паслуг склаў 96,8% пры прагнозе 103%. «Не выкананы паказчык па колькасці працаўладкаваных на зноў створаныя працоўныя месцы, такімі сталі 4 272 грамадзяніна пры заданні 5050. У цэлым па вобласці захавана станоўчая тэндэнцыя росту рэнтабельнасці рэалізаванай прадукцыі, рэнтабельнасці продажаў, чысты прыбытак павялічыўся амаль у два разы. З пачатку года колькасць стратных арганізацый скарацілася на 93», – сказаў Анатолій Ісачанка.
Губернатар вобласці растлумачыў, што для кожнай са стратных арганізацый быў распрацаваны план індывідуальных мерапрыемстваў, у выніку чаго выйшлі на бясстратную працу 153 з іх. Аднак за гэты час са стратамі спрацавалі яшчэ 60 прадпрыемстваў, з іх у Маладзечанскім раёне – 7, у Мінскім – 7, у Дзяржынскім – 6. Такія прадпрыемствы павінны быць у зоне адказнасці старшыняў райвыканкамаў.
Эфектыўная знешнеэканамічная дзейнасць – адна з умоў развіцця эканомікі вобласці. Анатоль Ісачанка адзначыў станоўчую тэндэнцыю ў экспарце, аднак звярнуў увагу кіраўнікоў прадпрыемстваў на праблемы сертыфікацыі мясной прадукцыі для паставак у Кітай.
Заработная плата па галіне склала 1043 рубля, тэмп росту – 114%. «Але да гэтага часу мы маем 10 арганізацый з заработнай платай ніжэй за 400 рублёў, у Мядзельскім раёне – 4 такія арганізацыі, у Валожынскім – 2, у Бярэзінскім – 1», – адзначыў старшыня Мінаблвыканкама. Аналіз паказаў, што гэта сельгасарганізацыі або ПДА. Анатолій Міхайлавіч падкрэсліў ролю кіраўніка ў вырашэнні падобных пытанняў і акцэнтаваў увагу кіраўнікоў усіх рангаў на забеспячэнне эфектыўнай працы арганізацый, павелічэнне прадукцыйнасці працы і стварэнне камфортных умоў для жыцця насельніцтва.
На пасяджэнні аблвыканкама, 22 жніўня дэталёва прааналізавалі гэтыя і іншыя пытанні сацыяльна-эканамічнага развіцця вобласці, а таксама выкананне бюджэту за 1-е паўгоддзе 2019 года.
Крыніца: minsk-region.gov.by
