"За бягучы год на тэрыторыі Мінскай вобласці зарэгістравана 110 выпадкаў шаленства сярод жывёл. У відавай структуры хворыя на шаленства дзікія жывёлы склалі амаль 73% (па-ранейшаму дамінуюць выпадкі захворвання сярод лісіц). Хатнія жывёлы склалі звыш 17%, з іх сельскагаспадарчыя - 10%, хатнія - больш за 84%", - сказала Наталля Аўтухова.
Атрымаць спецыялізаваную антырабічную дапамогу пасля кантакту з такімі жывёламі можна ва ўсіх арганізацыях аховы здароўя цэнтральнага рэгіёну. Так, у бягучым годзе па вакцынацыю звярнуліся больш за 3,5 тыс. чалавек, у тым ліку з-за кантакту з шалёнымі жывёламі - 155 грамадзян. Большасць пацярпела ад укусаў сабак і катоў (92%). Больш за 5% кантактавалі з дзікімі жывёламі, амаль 3% - з сельскагаспадарчымі.
Выпадкі захворвання на шаленства чалавека не зарэгістраваны.
Прадстаўнік Цэнтра падкрэсліла: улічваючы, што шаленства для чалавека з'яўляецца смяротным захворваннем, найважнейшае значэнне мае прафілактыка: пазбяганне кантактаў з дзікімі і безнагляднымі жывёламі, вакцынацыя хатніх гадаванцаў супраць шаленства, своечасовы зварот па медыцынскую дапамогу ў выпадку ўкусу. Таксама важна праводзіць прафілактычныя мерапрыемствы зацікаўленым арганізацыям і ведамствам, сярод якіх ЖКГ, лясгасы, ветэрынарная служба, санітарна-эпідэміялагічная служба, арганізацыі аховы здароўя.
Крыніца: minsk-region.gov.by
