Па выніках ацэнкі экспертнага савета лепшымі сталі 10 праектаў.
Ад Слуцкага раёна прайшлі адразу тры - "Выкарыстанне эфекту кішэні для атрымання аднаўляльнай энергіі" Цімафея Стамброўскага,"Аўтаматычная сістэма прытокава-выцяжной вентыляцыі з рэкуперацыяй цяпла" Лізаветы Грынюк і мабільнае прыкладанне для атрымання інфармацыі аб карцінах у галерэі Phone paint detector Артура Царыковіча і Анастасіі Крыўлені.
Па дзве выдатныя работы прадставіла моладзь з Вілейскага раёна ("Эка - другое жыццё" Алены Сапронавай,"Верміферма" Андрэя Альфера) і Дзяржынскага раёна ("Кросплатформавы разумны дом на ARM-мікракантролеры" Максіма Жыдовіча, "Разумны дом для жывёл" Анжалікі Шыманскай).
Таксама ў фінал конкурсу адабраныя аўдыёкніжка "Спадчына" Ганны Акуленка з Барысаўскага раёна, "Галатыт, ці яшчэ адзін спосаб пазбегнуць пластыкавай катастрофы" Сафіі Мацавіла Нясвіжскага раёна і праект па спрашчэнні замовы страў у рэстаранах "Future food-ежа будучыні" Аляксандра Карабко Салігорскага раёна.
Усяго былі прадстаўлены 25 маладзёжных распрацовак з 15 раёнаў сталічнага рэгіёна. Усе аўтары праектаў атрымалі каштоўныя падарункі.
Праект "100 ідэй для Беларусі" з'яўляецца базавым стартапам для развіцця нацыянальнага руху маладых навукоўцаў, вынаходнікаў, рацыяналізатараў. Гэта выдатная магчымасць заявіць пра сябе на ўсю краіну, атрымаць дапамогу ў развіцці і суправаджэнні аўтарскага праекта. Мэта праекта - актывізацыя інавацыйнага мыслення моладзі, прыцягнення яе да вырашэння задач сацыяльна-эканамічнага развіцця і да рэалізацыі Дзяржаўнай праграмы інавацыйнага развіцця краіны. У ліку асноўных задач - матывацыя і развіццё маладзёжнага вынаходніцтва, рацыяналізатарства; выяўленне і ўкараненне ў рэальны сектар эканомікі інавацыйных праектаў і навукова-тэхнічных распрацовак, якія прадстаўляюць практычны інтарэс для сацыяльна-эканамічнага развіцця краіны.
Крыніца: minsk-region.gov.by
