"Праца па забеспячэнні жыллём медыкаў будзе працягнута ў 2020 годзе. Запланавана рэканструкцыя наяўных інтэрнатаў для стварэння камфортных умоў. Таксама ў планах - будаўніцтва жылля для членаў жыллёвых кааператываў у Барысаве (на 107 кватэр) і для работнікаў Мінскай абласной клінічнай бальніцы (на 250 кватэр). У Мінскім аблвыканкаме распрацоўваецца агульная праграма па забеспячэнні жыллём медыцынскіх работнікаў і работнікаў сацыяльнай сферы", - сказала Наталля Баярская.
У паляпшэнні жыллёвых умоў маюць патрэбу 12% медыкаў рэгіёну. "Улічваючы, што ў рэгіёне ў сістэме аховы здароўя працуе больш за 30 тыс. работнікаў, то лічба значная", - удакладніла начальнік галоўнага ўпраўлення.
Яна падкрэсліла, што інтэрнаты ў Ляскоўцы пабудаваны дзякуючы прэзідэнту. "Больш за тое, ён падтрымаў прапанову Мiнаблвыканкама аб дадатковым выдзяленні Br20 млн на закупку новага высокатэхналагічнага абсталявання для ўстаноў аховы здароўя Мінскай вобласці, што дазволіць праводзіць на сучасным узроўні дыягностыку захворванняў і ўкараняць новыя методыкі лячэння", - склала Наталля Баярская.
Крыніца: minsk-region.gov.by
