Гэта свята, якое ўжо стала традыцыйным, з'яўляецца адным з мерапрыемстваў рэспубліканскай дабрачыннай акцыі "Нашы дзеці". Кадэты старанна рыхтуюцца да навагодняга балю і спецыяльна для гэтага развучваюць вальс, польку, танга.
"У абласным кадэцкім вучылішчы з нецярпеннем чакаюць гасцей, якія прымуць удзел у відовішчным мерапрыемстве, - падкрэслілі арганізатары. - У іх таксама будзе магчымасць асвоіць некалькі нескладаных рухаў. Гледачоў залучаць у свецкія гульні, белыя танцы і лёгкія вальсы".
Асаблівае месца сярод гасцей зоймуць родныя і блізкія кадэтаў. Баль наведаюць традыцыйныя навагоднія госці - Снягурка і Дзед Мароз, а таксама ганаровыя прадстаўнікі арганізацый і дзяржаўных структур Мінскай вобласці.
Кадэцкі баль - гэта не толькі сімвал адраджэння традыцыйных баляў, але і магчымасць акунуцца ў атмасферу культуры, якая закладвалася стагоддзямі, успомніць гісторыю краіны і аднавіць класічную форму правядзення ўрачыстасці. Каралём балю як заўсёды з'яўляецца вальс - самы знакаміты з бальных танцаў. Удзельнікаў балю чакаюць сюрпрызы і майстар-класы. Вядома, не абыдзецца і без падарункаў.
Крыніца: minsk-region.gov.by