Паводле інфармацыі першага намесніка генеральнага дырэктара кампаніі па развіцці індустрыяльнага парку Кірыла Карацеева, з пачатку рэалізацыі праекта па снежань 2019 года ў яго інвесціравана 526,4 млн. долараў. Доля бюджэтных выдаткаў склала 4,5% - 24,5 млн. долараў. Гэтыя сродкі выкарыстаны для будаўніцтва аўтадарогі агульнага карыстання, пажарнага дэпо, сеткі сувязі і газазабеспячэння да межаў парку. Бюджэтныя паступленні ад дзейнасці ў парку, з улікам падрадных арганізацый, склалі больш за 40 млн. долараў.
Акрамя таго, за 2019 год завяршылася будаўніцтва асноўных аб'ектаў інфраструктуры першага этапу - на плошчы 851 га. Сёлета плануецца прыступіць да другога этапу асваення парку на агульнай плошчы 860 га. Акцэнт будзе зроблены на стварэнні інфраструктуры да мультымадальнага лагістычнага тэрмінала. Таксама ў пачатку 2020 года плануецца зарэгістраваць сумесную кампанію-аператара будучага тэрмінала. Яго будаўніцтва пачнецца ўжо ў сярэдзіне года.
Дарэчы, на сённяшні дзень у парку зарэгістраваныя 60 рэзідэнтаў з 15 краін. Да канца бягучага года ў парку будуць зарэгістраваныя не менш за 80 рэзідэнтаў з аб'ёмам заяўленых інвестыцый 1,5 млрд. долараў. Мяркуецца, што 30 рэзідэнтаў прыступяць да гаспадарчай дзейнасці. Колькасць работнікаў прадпрыемстваў парку складзе 3 тыс.
Крыніца: minsk-region.gov.by