"Школа, у якой мы сёння знаходзімся, па-свойму ўнікальная, - адзначыў падчас адкрыцця старшыня Федэрацыі прафсаюзаў Міхаіл Орда. - Гэта адзіная спартыўная школа па конным спорце ў Мінскай вобласці. І тут займаюцца не толькі мясцовыя дзеці, але і дзеці з суседніх вёсак і гарадоў".
Усяго ў школе навучаюцца больш за 60 дзяцей. Сярод іх нямала пераможцаў міжнародных, рэспубліканскіх спаборніцтваў. "Каб дамагацца высокіх вынікаў у спорце, неабходна добрая трэніровачная база. Таму мы прынялі рашэнне аб правядзенні тут капітальнага рамонту. За паўтара года адрамантаваны і ўцеплены стайні, адміністрацыйныя будынкі, цалкам змянілі манеж - і сёння школа можа не толькі праводзіць заняткі ў камфортных умовах, але і прымаць спаборніцтвы. Я думаю, гэта добры ўклад у будучыя дасягненні дзяцей, у развіццё гэтай спартыўнай школы, якой сёлета спаўняецца ўжо 35 гадоў", - распавёў Міхаіл Орда.
У цэлым прафсаюзы развіваюць дзіцячы спорт ужо больш за 80 гадоў. У 107 спартыўных школах займаецца каля 40 тыс.дзяцей. Прычым многія ўстановы размешчаны менавіта ў сельскай мясцовасці, і ў многіх выпадках гэта практычна адзіная магчымасць для дзяцей атрымаць добрую спартыўную падрыхтоўку.
Крыніца: minsk-region.gov.by