Абласная акцыя "Прыгажуні Міншчыны - багацце краіны!" стартавала ў лістападзе 2019 года. Усяго прэтэндэнткамі на тытул "Міс Міншчыны" сталі 764 прадстаўніцы цэнтральнага рэгіёна. Сярод іх навучэнцы каледжаў, студэнткі, медыцынскія работнікі, педагогі, работнікі культуры. Дзяўчаты не толькі прадэманстравалі знешнюю прывабнасць, але і здзівілі журы сваімі талентамі і захапленнямі.
У выніку за карону і тытул першай прыгажуні рэгіёна будуць змагацца 93 удзельніцы. Конкурс будзе праходзіць па класічным сцэнары: дэфіле ў кактэйльных і вячэрніх сукенках, выхады ў купальніках і вырабах ААТ "Купалінка", конкурс імправізацыі.
Ацэньваць дзяўчат будзе журы, якое складаецца з прадстаўнікоў мадэльнай індустрыі і дзяржаўных органаў, вядомых артыстаў, спецыялістаў сферы культуры.
Лепшыя будуць удастоеныя тытулаў "Міс Міншчына", "Першая і Другая віцэ-міс Міншчына" і "Міс Фота".
Зараз ідзе актыўная падрыхтоўка канкурсантак: рэпетыцыі, выбар нарадаў, стварэнне вобраза і фотасесіі.
Арганізатары - Мінаблвыканкам, Барысаўскі райвыканкам.
Крыніца: minsk-region.gov.by