"У 2019 годзе тавараабарот Мінскай вобласці з Таджыкістанам склаў $1,2 млн (тэмп росту 157,7%), у тым ліку экспарт тавараў - больш за $1,1 млн (тэмп 163,7%), імпарт - $ 50 тыс. (тэмп 85,1%)", - сказала Ганна Дашкова.
Росту экспарту і, адпаведна, тавараабароту ўдалося дасягнуць за кошт пастаўкі новых тавараў. Так, у 2019 годзе Таджыкістан пачаў купляць беларускія джэмы, мармелады, устаноўкі для кандыцыянавання, паперу, абсталяванне для садоўніцтва, халадзільнікі. Выраслі аб'ёмы паставак прадукцыі, якая пастаўлялася і раней, напрыклад, металаканструкцый.
У планах на 2020 год - павялічыць пастаўкі мяса, малака і бульбы. "Мінская вобласць - пабрацім Сагдыйскай вобласці. У снежні наш рэгіён наведаў губернатар гэтай вобласцi. Таму плануецца візіт у адказ, удзел у мерапрыемствах у Таджыкістане. Хацелася б прапрацаваць магчымасць павелічэння паставак малочнай прадукцыі і мяса, сельгастэхнікі, прадукцыі раслінаводства (насеннай бульбы) і пладаводства", - удакладніла прадстаўнік камітэта эканомікі.
Таксама чакаецца, што летам 2020 года ў Душанбэ адкрыецца сумеснае таджыкска-беларускае прадпрыемства па вытворчасці малочнай прадукцыі "Ватан", заснавальнікам якога стала ААТ "Мінскі малочны завод №1".
Крыніца: minsk-region.gov.by
