Прадугледжана шэсць модуляў, кожны з якіх прысвечаны асобнай тэме. Першы - "СМІ і імідж прафсаюзнай арганізацыі ў іх" - стартаваў сёння і працягнецца пяць тыдняў, у кожны з якіх плануецца навучыць па 90 чалавек.
Праца адукацыйнага цэнтра накіравана на тое, каб узмацніць уплыў моладзі на палітыку прафсаюзных арганізацый. Акрамя лекцый і майстар-класаў запланаваны сустрэчы з прафсаюзнымі лідарамі, прадстаўнікамі міністэрстваў і прадпрыемстваў, распрацоўка і рэалізацыя творчых праектаў. Намечаны культурныя і спартыўныя мерапрыемствы.
"Мы хочам уцягнуць моладзь у вырашэнне задач, якія стаяць перад прафсаюзамі, наладзіць новыя формы дыялогу паміж пакаленнямі, - адзначыў начальнік галоўнага ўпраўлення па культуры і грамадскай працы апарата Савета Федэрацыі прафсаюзаў Арцём Ігнаценка. - Мы хочам стварыць такую пляцоўку, дзе любы таленавіты і актыўны малады чалавек мог бы праявіць сябе, знайсці аднадумцаў і атрымаць падтрымку".
Крыніца: minsk-region.gov.by