"Месячнік пройдзе з 1 па 30 красавіка. Будзем прыцягваць прадпрыемствы, школы. З улікам сітуацыі, якая склалася, мерапрыемствы будуць не масавымі, а кропкавымі і лакалізаванымі. Больш увагі нададзім пасадкам дрэў і кустоў, прывядзем у парадак газоны", - распавёў Васіль Шашок.
Таксама запланаваныя ўборка тэрыторый, месцаў адпачынку і вуліц, збор смецця. У год 75-годдзя Вялікай Перамогі асаблівая ўвага будзе нададзена помнікам, гісторыка-культурным каштоўнасцям, воінскім пахаванням.
Месячнікі па добраўпарадкаванні тэрыторый традыцыйна праводзяцца ў Беларусі вясной і восенню. Прыняць удзел у добраўпарадкаванні малой радзімы можа любы жыхар краіны.
Крыніца: minsk-region.gov.by
