Як распавёў намеснік начальніка ўпраўлення тэхнагляду Аляксей Худы РУП "Мінскаўтадар-Цэнтр", аўтатраса М3 мае накіраванне з поўдня на паўночны ўсход і злучае буйныя абласныя цэнтры. Пачынаецца ад перасячэння Лагойскага тракта з Мінскай кальцавой аўтадарогай М9 і заканчваецца ў Віцебску на вул.Зеленагурскай. Агульная працягласць - амаль 260 км. Яна з'яўляецца транспартнай артэрыяй як для нашых аўтамабілістаў, так і для велікагрузаў, якія ідуць у Піцер і Літву.
Таксама Аляксей Худы адзначыў, рэканструкцыя 4-й чаргі трасы М3, якая ўключае абыход г.п. Плешчаніцы, ажыццяўляецца ў адпаведнасці з даручэннем Прэзідэнта ад 12 ліпеня 2017 года. Размешчан участак у Лагойскім раёне, яго працягласць - 8 км.
Рэканструкцыя аўтамагістралі пачалася ў 2019 годзе. Работы выконвае генпадрадчык - "Будаўніча-мантажны трэст № 8". Паводле праекту, дарога стане чатырохпалоснай. Патокі руху аўтамабіляў будуць раздзелены. Участак на ўездзе ў Плешчаніцы ліквідуюць, а ўезд у гарадскі пасёлак перанясуць. Акрамя гэтага, побач з трасай створаць легальны гандлёвы рад. Пабудуюць і два новыя масты праз р. Дзвіноса і р. Дзеражня, з мэтай пропуску водапатоку і буйных жывёл.
Што тычыцца матэрыялаў, то для стварэння дарожнага палатна новага ўчастка таўшчынёй 24 см. выкарыстоўваецца цяжкі бетон, а для падрыхтоўкі сумесі ў непасрэднай блізкасці ад месца правядзення работ усталяваны растворабетонны вузел.
Увод гэтага аб'екта ў эксплуатацыю запланаваны на снежань бягучага года. Фінансуецца са сродкаў пазыкі Банка развіцця Рэспублікі Беларусь.
Крыніца: minsk-region.gov.by
