Чарговае пасяджэнне журы па падвядзенні вынікаў конкурса адбылося 14 мая 2020 г. ў анлайн-рэжыме. Члены журы адзначылі высокі ўзровень работ удзельнікаў, разнастайнасць рэалізаваных ідэй, змястоўную насычаннасць і крэатыўны падыход да афармлення конкурсных матэрыялаў.
У бягучым годзе ў спаборніцтве прынялі ўдзел 35 бібліятэк са ўсёй краіны: 14 цэнтральных і 21 бібліятэка-філіял. Ад Мінскай вобласці было прадстаўлена 8 прэтэндэнтаў, з якіх 7 былі узнагароджаны дыпломамі І, ІІ і ІІІ ступені і заахвочвальнымі грашовымі прэміямі.
У адпаведнасці з загадам Міністэрства культуры Рэспублікі Беларусь ад 15.06.2020 № 93 «Аб выніках рэспубліканскага конкурса XXVIII «Бібліятэка – асяродак нацыянальнай культуры» бібліятэкі Мінскай вобласці ўзнагароджаны:
- у намінацыі «За значны ўклад уклад у выхаваўчую работу з падрастаючым пакаленнем» дыпломам трэцяй ступені і грашовай прэміяй ў памеры 30 базавых велічынь – дзяржаўная ўстанова культуры «Цэнтральная гарадская бібліятэка г. Жодзіна»;
- у намінацыі «За навацыі ў галіне бібліятэчнай справы» дыпломам другой ступені і грашовай прэміяй ў памеры 40 базавых велічынь – дзяржаўная ўстанова культуры «Салігорская раённая цэнтральная бібліятэка», дыпломам трэцяй ступені і грашовай прэміяй ў памеры 30 базавых велічынь – Грабянецкая бібліятэка-клуб дзяржаўнай установы «Чэрвеньская цэнтральная раённая бібліятэка»;
- у намінацыі «За падтрымку і развіццё чытання» дыпломам першай ступені і грашовай прэміяй ў памеры 50 базавых велічынь – дзяржаўная ўстанова культуры «Нясвіжская цэнтральная раённая бібліятэка імя Паўлюка Пранузы».
Таксама прысуджаны заахвочвальныя грашовыя прэміі ў памеры 10 базавых велічынь наступным прадстаўнікам Мінскай вобласці:
- Заастравецкай сельскай бібліятэцы-філіялу дзяржаўнай установы «Клецкая раённая цэнтральная бібліятэка»;
- дзяржаўнай установе культуры «Стаўбцоўская цэнтральная раённая бібліятэка»;
- Мачулішчанскай пасялковай бібліятэцы дзяржаўнай установы культуры «Мінская раённая цэнтральная бібліятэка».
Крыніца: minsk-region.gov.by
