Плошча ў Мачулішчах заўсёды была цэнтрам прыцягнення для дзяцей і іх бацькоў. Асфальтаваныя дарожкі - аблюбаванае месца для катання на роліках, роварах і самакатах.
Па просьбах жыхароў і ініцыятыве мясцовага выканкама на пустуючай тэрыторыі недалёка ад цэнтра культуры і вольнага часу размясцілі дзіцячы гарадок. Тут устаноўлены арэлі, горкі, домікі, пампавалкі на спружынах, лаўкі і іншы інвентар. Засталося толькі выраўнаваць край пляцоўкі.
Мінулым летам падобны дзіцячы комплекс з'явіўся ў адным з двароў па вуліцы Гвардзейскай. Яго ўсталяваў «Жылiшчнiк Мiншчыны». Пляцоўкі для дзяцей добраўпарадкавалі і каля новабудоўляў на вуліцы Маладзёжнай. Так што ў мачулішчанскіх малых зараз ёсць выбар.
Крыніца: minsk-region.gov.by
