Свята, дзе можна было адпачыць усёй сям'ёй і з сябрамі, прайшло душэўна і гасцінна - артыстаў чакалі з нецярпеннем.
На цэнтральнай плошчы гарадскога пасёлка працавалі гандлёвыя рады, выставы-кірмашы вырабаў народных мастацкіх рамёстваў, фотаэкспазіцыі і забаўляльныя атракцыёны для дзятвы і дарослых.
Малышы каталіся на арэлях-каруселях, батутах і электрамабілях, дарослыя выбралі для сябе найбольш разважнае баўленне часу - цікавіліся выставамі, правяралі трапнасць у ціры.
На сцэне жыхароў і гасцей свята прывітаў калектыў Старобінскага гарпасялковага дома культуры. Мясцовых артыстаў старобінцы ведаюць і любяць, таму падпявалі ўсёй плошчай.
Галоўным акцэнтам свята стала выступленне вядомых артыстаў беларускай эстрады. Старобінцы пачулі Алену Ланскую, Жанэт, Вікторыю Алешка, Арт-групу "Беларусы", групу "PROвакацыя", студыю эстраднай песні "Сярэбраная трэль" і іншых. Публіка цёпла сустрэла артыстаў, а зоркі эстрады дзякавалі гледачам не толькі за сардэчны прыём, але і за той уклад, які ўносіць кожны жыхар краіны ў агульную справу.
На думку жыхароў гарадскога пасёлка, свята прайшло пазітыўна і весела.
Крыніца: minsk-region.gov.by