"Сёння, 11 снежня, пачата праходка клецевага ствала Дарасінскага рудніка. Гэта адзін з важнейшых этапаў пры будаўніцтве новых руднікоў. Па клецевым ствале ідзе дастаўка людзей і абсталявання ў шахту. Руднік пачынае развіваць сваю падземную інфраструктуру", - расказалі на прадпрыемстве.
Рэсурсы Дарасінскага рудніка дазволяць прадоўжыць тэрмін службы 3-га рудаўпраўлення як мінімум на 50 гадоў. Праектная магутнасць рудніка складзе каля 8 млн т руды ў год з наступным павелічэннем да 9 млн т.
Увод новай вытворчасці ў эксплуатацыю дасць магчымасць стварыць 840 новых працоўных месцаў.
ААТ "Беларуськалій" з'яўляецца адным з буйнейшых вытворцаў і экспарцёраў калійных угнаенняў у свеце. У склад прадпрыемства ўваходзяць чатыры рудаўпраўленні, дапаможныя і абслуговыя падраздзяленні.
Крыніца: minsk-region.gov.by