"Збіраць калекцыю сталі, калі жыхары горада і раёна пачалі прыносіць у музей савецкія ёлачныя цацкі. Людзям было шкада выкідваць каштоўныя прадметы, з якімі звязана шмат прыемных успамінаў, але патрэба ў іх прапала - з'явіліся больш сучасныя і зручныя ў выкарыстанні цацкі. Мы вырашылі даць прытулак у сябе старым упрыгажэнням, якія адлюстроўваюць дух таго часу, і ў пэўны момант зразумелі, што іх сабралася дастаткова, каб зрабіць выставу", - расказала Кацярына Кароль.
На агляд у музеі выставяць ёлачныя ўпрыгажэнні 60-80-х гадоў, але ў калекцыі таксама ёсць экзэмпляры 40-50-х гадоў. "У перыяд Вялікай Айчыннай вайны распаўсюджанне атрымалі самаробныя цацкі, якія рабілі з таго, што трапіць пад руку. Так, на выставе будзе прадстаўлена ўпрыгажэнне ў форме пяціканцовай серабрыстай зоркі, якое было зроблена з тоўстага кардону практычна адразу пасля вайны", - адзначыла галоўны захавальнік фондаў музея.
Усе экзэмпляры на выставе будуць адлюстроўваць падзеі, характэрныя для савецкіх краін у момант вырабу цацкі. Калі ў пачатку 50-х гадоў са шкла рабілі фігуркі бытавых прадметаў, жывёл і людзей, то ў канцы 50-х і пачатку 60-х гадоў у моду ўвайшлі цацкі з выявамі агародніны. "У той перыяд у СССР рабілі акцэнт на развіцці сельскай гаспадаркі, таму на выставе пакажам навагоднія фігуркі кукурузы, памідораў, цыбулі, яблыкаў і груш, - расказала Кацярына Кароль. - У гэты перыяд таксама папулярнай тэмай было асваенне космасу, таму ў калекцыі ёсць некалькі цацак у выглядзе планет, ракет і дзяцей, апранутых у касцюмы лётчыкаў і касманаўтаў".
Выстава ў музеі адкрыецца 22 снежня і прадоўжыцца да 15 студзеня.
Крыніца: minsk-region.gov.by