Цікавую і забаўную экскурсію для памочнікаў ДАІ правёў начальнік аддзялення па агітацыі і прапагандзе ДАІ УУС Мінскага аблвыканкама Андрэй Гладкі. Хлопцы пазнаёміліся з цэлай гістарычнай эпохай дзейнасці Дзяржаўтаінспекцыі. Патрымалі ў руках розныя вымяральныя прыборы, якія выкарыстоўваюцца супрацоўнікамі ў штодзённай працы шмат гадоў таму. Асаблівая ўвага прыцягнула тэхнічны сродак арганізацыі дарожнага руху - стары святлафор, зроблены з металу. Затым хлопцы адправіліся на вуліцу, дзе апрабавалі сябе ў ролі інспектара ДАІ, пасядзеўшы ў сучасным аўтамабілі Дзяржаўтаінспекцыі.
Юiдаўцы засталіся задаволеныя экскурсіяй, атрымаўшы шмат карыснай інфармацыі. Пасля заканчэння мерапрыемства школьнікі выказалі падзяку дзяржаўтаінспектару, адзначыўшы што ў далейшым хочуць звязаць сваё жыццё са службай у Дзяржаўтаінспекцыі.
Мінскі абласны выканаўчы камітэт
Крыніца: minsk-region.gov.by