Перад пачаткам канікул ва ўсіх установах адукацыі пройдуць урокі бяспекі па навучанні школьнікаў правілах бяспечных паводзін. І дзяцей, і іх законных прадстаўнікоў праінфармуюць аб занятасці непаўналетніх падчас вакацый, графіках правядзення мерапрыемстваў - гэта будзе зроблена на бацькоўскіх сходах, адпаведная інфармацыя з'явіцца і на інфармацыйных стэндах, сайтах устаноў адукацыі.
Залічэнне школьнікаў у лагеры пройдзе строга па заяўнаму прынцыпу з першачарговым правам аздараўлення дзяцей са шматдзетных і малазабяспечаных сем'яў, дзяцей-сірот, дзяцей-інвалідаў, а таксама навучэнцаў, з якімі праводзіцца індывідуальна-прафілактычная работа. На гэтыя мэты Менскім абласным кіраваннем Рэспубліканскага цэнтра па аздараўленні і санаторна-курортным лячэнні насельніцтва выдзелена больш 253 тыс. рублёў.
Ва ўсіх лагерах створаць неабходныя ўмовы па прафілактыцы заносу і распаўсюджвання COVID-19. Ўстановы ўжо аснашчаны сродкамі індывідуальнай абароны: антысептыкамі, маскамі, пальчаткамі. Пры ўваходзе ў будынкі стаяць дазатары з антысептычным сродкам для апрацоўкі рук. У кожным з атрадаў будзе не больш за 15 чалавек, за кожным з іх замацуюць гульнявыя памяшкання. Прычым знаходжанне дзяцей арганізуюць у строга адведзеных месцах, аб'яднанне выхаванцаў з розных атрадаў у адну групу выключана.
Расстаноўка мэблі ў памяшканнях таксама будзе праводзіцца з захаваннем прынцыпу сацыяльнага дыстанцыяваньня. Акрамя таго, плануецца правядзенне штодзённых «ранішніх фільтраў» з абавязковай тэрмометра з мэтай выяўлення і недапушчэння ў атрад выхаванцаў з прыкметамі рэспіраторных захворванняў. Што тычыцца культурна-масавых і спартыўна-аздараўленчых мерапрыемстваў, то яны пройдуць на адкрытым паветры.
У лагерах з дзённым знаходжаннем дзяцей прадугледжана 3-разавае харчаванне, з кругласутачным - 5-разавае. У меню ў абавязковым парадку будуць уключаны свежыя гародніна і садавіна.
Мінскі абласны выканаўчы камітэт
Крыніца: minsk-region.gov.by