Арганізатарамі конкурсу з'яўляюцца Міністэрства архітэктуры і будаўніцтва Рэспублікі Беларусь, Саюз Будаўнікоў, Рэспубліканскі камітэт Беларускага прафсаюза работнікаў будаўніцтва і прамысловасці будаўнічых матэрыялаў.
Конкурс праводзіцца ў мэтах вызначэння найбольш эфектыўна працуючых будаўнічых арганізацый і прадпрыемстваў прамысловасці будаўнічых матэрыялаў, праектных і вышукальных, навукова-даследчых і навукова-вытворчых арганізацый, устаноў адукацыі, якія рыхтуюць рабочых і спецыялістаў будаўнічага профілю.
У гэтым годзе ў рэспубліканскім конкурсе прымалі ўдзел шэсць устаноў прафесійнай адукацыі Мінскай вобласці.
Лаўрэаты конкурсу ў намінацыі «Арганізацыя года»:
- Барысаўскі дзяржаўны будаўнічы прафесійны ліцэй;
- Чэрвеньскі прафесійны будаўнічы ліцэй;
- Абласны аграрна-тэхнічны прафесійны ліцэй;
- Маладзечанскі дзяржаўны каледж.
Ганаровы дыплом у намінацыі «Кіраўнік года" атрымаў дырэктар Слуцкага дзяржаўнага сельскагаспадарчага прафесійнага ліцэя Шыловіч Сяргей Мікалаевіч.
Ганаровым дыпломам у намінацыі «Арганізацыя года» ўзнагароджана дырэктар Салігорскага дзяржаўнага каледжа Хамiчэвiч Алена Мікалаеўна.
Дыпломы лаўрэатаў конкурсу ўручылі першы намеснік міністра архітэктуры і будаўніцтва Рэспублікі Беларусь Касцюкоў Ігар Анатольевіч і старшыня Саюза Будаўнікоў Шарамет Мікалай Трафімавіч.
Дадзеная перамога - наглядны паказчык эфектыўнай дзейнасці ўстаноў адукацыі па падрыхтоўцы кваліфікаваных рабочых кадраў для будаўнічай галіны, вынік прафесіяналізму педагагічнага калектыву.
Ад усёй душы віншуем калектывы устаноў прафесійнай адукацыі з перамогай!
Мінскі абласны выканаўчы камітэт
Крыніца: minsk-region.gov.by